AN PALARAN NGA BALAY (THE BLESSED HOUSE)



The following was written on September 26, 2005 when I was in my last year in college. It was an assignment given to us by Dr. Victorio Sugbo, my professor in Philippine Literature in the Vernacular Language and an authority in the study of Waray literature. The class was required to submit any piece of literature that was written long time ago, and we were also required to use Waray language as the medium of writing. 

==============================================================

Ini nga kanta nagtikang pa hadton 15 anyos pala hi Anacita Yodong, 84 an panuigon, han Bgy. Jabong, Tabontabon, Leyte. Karuyag sidngon, hadton 1936 pa ini nga kanta kundi waray ini ma-ipreserbar pinaagi ha pagsurat o pagrekord na man la.


An Palaran nga Balay

Palaran nga balay
an akon ginsak-an.
Unom an balitang
puro ko tinamakan.
Mahamis an salug
pirmi linampasuhan.
Haluag nga ruwang
upod an kapawa.
Amo an nag-abri
han akon huna-huna.

Interpretasyon:

An nagkakanta in usa nga tawo nga nakatapos han elementarya. An balay nagsimbolo han eskwelahan. An unom nga balitang liwat amo an unom nga grado nga kinahanglan tapuson ha elementarya. Nagsiring an persona nga buenas gud an iya eskwelahan tungod kay nakatapos hiya han elementarya. Kumbaga dungog han eskwelahan an kada estudyante nga magraduate dinhi. Nalilipay hiya tungod kay an eskwelahan asya an nag-abri han iya huna-huna. Aton mahihinumduman basi han istorya han Pilipinas nga hini nga mga panahon (1930s), guti pa gud la an nakakaeskwela. Ngan siring pa ni Apoy Sitay (tawag namon ha iya), pwede na magin maestro/maestra an bisan hin-o nga nakatapos han elementarya hadto nga panahon. Amo ini an kahimtang han Pilipinas ugsa han Guerra Mundial Numero Dos (World War II).
=================================================================
NEXT ARTICLE: