Pagtawa
ni Marlon B. Raquel
Paghimo hin marig-on nga kahon
An mga ligid hini siguraduha nga marig-on
Ngan butangi hin kandado
Mga kabido igsulod na
Sadhi an mga purta.
An magpait nga im dumdum
Sadhi ngatanan ha sulod
Lingkud ha bawbaw han kahon nga hiyum.
Ayaw pagsumat bis hin-o
Han sulod hito nga sekreto
Paraa an pagkamasubo
Kay nanhisulod na man adto.
Ayaw na dumduma an sulod
An kalibutan diri masabot na
Higuta an kahon hin maupay
Ngan lingkud ha bawbaw, pagtawa!
=====================================================
NEXT ARTICLE:
